Оқушылардың белсендігін көтеру жолдары

      Оқушылардың белсенділігін көтеру-қазіргі мектептің басты міндеттердің бірі. Бұл тек білім сапасын арттыруға ғана емес, сонымен қатар оқушылардың жеке тұлға болып қалыптасуына, қоғамдық өмірге белсенді қатысуына да әсер етеді. Сол себепті мына келесі әдістерді кеңінен қолданған дұрыс деп ойлаймын.

                1.Интерактивті оқыту әдістемелері

      Интерактивті әдістерді қолдану, мысалы, топтық жұмыстар, пікірталастар, рөлдік ойындар оқушылардың пәнге деген қызығушылығын арттырады. Оқушылар бір-бірімен өзара әрекеттесіп, пікір алмасу арқылы сабаққа белсенді қатысады. Өте тиімді әдістердің бірі.

                2. Оқушылардың қызығушылығын ескеру

        Оқушылардың қызығушылығын ескере отырып, қосымша сабақтар мен іс-шаралар ұйымдастыру қажет. Мәселен, шығармашылық кештер, спорттық ойындар, ғылыми конференциялар оқушылардың өздерін көрсетуге , өз жобаларын  танытуына мүмкіндік береді. Бұл олардың сенімділігін арттырып, мектеп өміріне деген қызығушылығын оятады. 

                3.Ынталандыратын орта

        Мектептегі қолайлы орта-өте маңызды. Оқушылардың жетістіктерін жариялау, ынталандыру жүйесін енгізу, спортқа ғылымға, өнерге қызығушылық танытқан оқушыларды марапаттау олардың белсенділігін арттырады. Мен мектепішілік наградалар мен жеңістерді атап өту арқылы салауатты бәсекелестікті ынталандыруды жоспарлап отырмын.

    Сонымен, оқушылардың белсенділігін көтеру үшін инновациялық әдістер мен қолайлы орта қалыптастыру қажет. Ұжым болып,оқушылардың қызығушылығын ескере отырып, сапалы білім беру мен белсенді өмір сүруге бағытталған шараларды жүзеге асыруды мақсат етіп отырмыз. Бұл оқушылардың білім алудағы ынтасын арттырып, мектептің жетістіктерін де қамтамасыз етеді.

Түркістан облысы Жетісай ауданы

 С.Сейфуллин атындағы №52

 жалпы білім беретін мектебінің

директоры Г.Н. Еримбетова