Сотқа дейінгі тергеп-тексерудің мерзімі прокурор қадағалауында
Прокурорлар өткен жылы қылмыстық қудалау органдарының өндірістеріндегі жалпы қылмыстық істердің 12% бойынша тергеу мерзімдерінің бұзылғанын анықтады.
Түркістан облысы прокурорының төрағалық етуімен 2023 жылдың 08-ші ақпан күні қылмыстық қудалау органдарының бірінші басшыларының қатысуымен қылмыстық істерді тергеу барысында процестік мерзімдердің сақталуына қатысты алқа мәжілісі өткізілді.
Прокурорлар өткен жылы қылмыстық қудалау органдарының өндірістеріндегі жалпы қылмыстық істердің 12% бойынша тергеу мерзімдерінің бұзылғанын анықтады.
Алқа отырысында сотқа дейінгі тергеп-тексеру мерзімдерінің сақталуына қатысты сұрақтар талқыланып, қажетті тергеу амалдарын мерзімінде жүргізу, сондай-ақ қылмыстық істер бойынша формальды сараптамалардың тағайындалуына жол бермеу және тергеу мерзімін ұзарту туралы құжаттарды прокурорға мерзімінде ұсынбау жәйіттері атап өтілді.
Өз кезегінде облыс прокуроры М.Алиханов «Қылмыстық істердің созбалаңдыққа салынуына жол бермеу және тергеуді жүргізудің басқа да заңсыз әдістерін жою - құқық қорғау органдарының алдында тұрған негізгі міндеттердің бірі» екендігіне тоқталып өтті.
Алқаға қатысушыларға тергеп-тексеру барысында созбалаңдыққа жол бермеу және тергеудің сапасын көтеру мақсатында статистикалық көрсеткіштерді қолдан бұрмаламауға, тергеу мен анықтау органдарындағы жас мамандардың кәсіби тәжірибесін көтеру үшін оқу-семинарлар өткізу туралы нұсқау берілді.
Сонымен қатар, алқа мәжілісінің қорытындысы бойыншаалдағы уақытта ҚК және ҚПК нормаларының бұзылмауына жол бермеуге кешенді шаралар қабылдап, сотқа дейінгі тергеп-тексерудің мерзімдерін қатаң сақтауға және ведомстволық бақылауды күшейту туралы тапсырмалар берілді.
Түркістан облысының прокуратурасы