Журналист, ҚР Президенті грантының иегері Анар (Аспан) Бәкірованы еске алу құрметіне арналған «АҚИҚАТ СӨЗ – АЙБЫНЫМ» атты байқаудың ЕРЕЖЕСІ
«Оңтүстік Қазақстан» облыстық қоғамдық-саяси газеті осы басылымның жүлдесі үшін журналист қыз-келіншектер арасында «Ақиқат сөз – айбыным» атты шығармашылық байқау жариялайды. Байқау осы басылымның бас редакторы қызметін атқарған танымал журналист, ҚР Президенті грантының иегері, марқұм Анар (Аспан) Бәкірованың 60 жылдығына орай ұйымдастырылады.
Байқаудың мақсаты:
l адам құқығы мен еркіндігін сақтау және сыйлауды дәріптеу;
l адам құқығын бұзуға қатысты проблемаларды көрсетудің тиімділігін арттыру;
l Түркістан облысы және Шымкент қаласы тұрғындары ішінде құқықтық білімді насихаттау;
l журналистердің бұл саладағы жоғары кәсібилігін қалыптастыру және соны дәріптеу.
Байқаудың шарты:
l байқауға Түркістан облысында және Шымкент қаласында тіркелген баспа басылымдарда жұмыс істейтін журналист қыз-келіншектер ғана қатыса алады;
l байқауға 2020 жылдың 1 қаңтары мен 1 желтоқсаны аралығында жарық көрген материалдар қабылданады;
l байқау материалдары 2020 жылдың 1 желтоқсанына дейін қабылданады;
l әр автордың бір ғана жұмысы қабылданады;
l байқау ұйымдастырушылары авторлық құқық бойынша талас-тартысқа жауапты емес;
l байқауға қатысушылардың жасына шектеу қойылмайды;
l байқау жұмыстары электронды түрде онлайн формада тапсырылуы тиіс;
l барлық материалдардың жарияланғаны туралы мәлімет болуы тиіс (газет немесе журнал көшірмесі қоса жіберілуі қажет);
l Байқауға жолданған материалдың көлемі А-4 форматта, Times New Roman қарпімен, 4 беттен аспауы тиіс.
Байқаудың жүлде қоры:
1-орын (біреу) – 300 000 теңге
2-орын (біреу) – 200 000 теңге
3-орын (біреу) – 100 000 теңге
Ынталандыру сыйлығы (үшеу) – 30 000 теңгеден.
Байқау жұмыстарын бағалау критерийлері:
l байқау материалдары қоғамдық пікір туғызуы, көтерілген проблемалар қоғамда талқылануы қажет;
l байқау материалдары Түркістан облысы және Шымкент қаласы аумағындағы адам құқығы бойынша нақты мәселелерді көтеруі керек;
l байқау материалдарында құқық қорғау проблемалары жан-жақты сарапталып көрсетілгені абзал;
l байқау материалдарында келтірілген цифрлар, фактілер мен басқа да мәліметтер жалған болмауы қажет.
Байқау жұмыстары okgazeti@gmail.com электронды поштасына «Бәйгеге» деген белгімен қабылданады.
Қосымша ақпарат үшін: 87786580376, 87763580376.
Ұйымдастыру алқасы.