Түркістандық оқытушылар үздік шықты
Жақында Жамбыл облысының Құлан агротехникалық жоғары колледжінде Техникалық және кәсіптік білім беру ұйымдарының педагогтері арасында ауыл шаруашылығы саласы бойынша республикалық «Кәсіби шеберлік – 2024» байқауы өтті.
Ауыл шаруашылығы саласының агрономия бағыты бойынша техникалық және кәсіптік білім беру ұйымдарының талантты, дарынды шығармашыл педагогтерін анықтау, қолдау, тәжірибе алмасу мақсатында ұйымдастырылған республикалық сайыста Түркістан жоғары көпсалалы, аграрлық колледжінің арнайы пән оқытушысы Гүлбану Сапарбекова бас жүлдені иеленді. Ал, Қапланбек жоғары аграрлық-техникалық колледжінің арнайы пән оқытушысы Нұрғали Құралов «Ветеринария» бағыты бойынша жүлделі ІІІ орын және «Креативті педагог» номинациясын жеңіп алды.
Е.ҚОЖАХМЕТҰЛЫ.