Бауыржан Момышұлының қанатты сөздері

1. Ердің туы – намыс.

2. Қырағының өзі де, көзі де батыр.

3. Ежелден ел тілегі — ер тірегі.

4. Тәртіпке бас иген құл болмайды.

5. Тәрбиелі – тәртіптің құлы,

Тәртіпті – елдің құлы.

6. Ептілік пен ерлік – ерге тән қасиет.

7. Ерлік – елдің қасиеті, жүректілік – жігіттің қасиеті.

8. Жиырма жас тарихи ерліктер жасайтын жас. Осыған әрқашанда әзір болу қажет.

9. Ерлік – елеусіз қалмас.

10. Арлы адам ардақты, ар – ардақтың анасы.

11. Азамат жолы – ар жолы.

12. Ешкім батыр болып тумайды. Батырлық та мінез секілді өскен орта, көрген тәрбиеге байланысты қалыптасады.

13. Отаның үшін отқа түс – күймейсің.

14. Опасызда Отан жоқ,

Отанда опасызға орын жоқ.

15. Соғыстың заңы – өте қатал.

16. Жауыңнан күдер үзе соғыспасаң,

Жауыңды күйрете алмайсың.

17. Жауды өлтірсең – өлімнен құтылдың,

Өлтірмесең – өлімге тұтылдың.

18. Сен жаудан қашсаң, өмір сенен қашады.

19. Ерді ел үшін, жігітті жұрт үшін мақта.