Бексұлтан – әлем чемпионы!
Астанада парадзюдодан өткен әлем чемпионатында Бексұлтан Құлмырза топ жарды.
Әлем чемпионатына 38 елден 300-ден астам спортшы қатысты. Жаһандық додада Қазақстан ұлттық құрамасындағы жігіттер жоғары деңгейде өнер көрсетуде.
81 келі салмақ дәрежесінде ел намысын қорғаған түркістандық Бексұлтан Құлмырза тамаша нәтижеге қол жеткізді. Ол татамиге төрт рет шығып, қарсыластарының барлығын айқын басымдықпен жеңді. Осылайша, Бексұлтан Құлмырза парадзюдодан әлем чемпионы атанды.
Айта кетейік, жеңімпаз жерлесіміз Шардара ауданының тумасы. Облыстық №4 олимпиада резервінің мамандандырылған балалар мен жасөспірімдер спорт мектебінің шәкірті.
Облыс әкімінің баспасөз қызметі.