Түркістандықтар топ жарды
Астана қаласында қазақ күресінен жасөспірімдер арасында «Чемпиондар лигасы» республикалық турнирі өтті. Дүбірлі додада өңір-өңірден іріктеліп келген балуандар кім мықтыны анықтады. Нәтижесінде Түркістан облысының балуандары 4 алтын, 4 күміс және 7 қола медальға қол жеткізіп, жалпыкомандалық есепте 1-орынды иеленді.
Сондай-ақ, Астана қаласында 4-6 желтоқсан күндері қазақ күресінен жасөспірімдер арасында «Жас барыс» республикалық турнирі де өз мәресіне жетті. Бұл сында да жерлестеріміздің мерейі үстем болды. Жарыс қорытындысында 4 алтын, 3 қола медальді еншілеген жарлестеріміз командалық есепте жеңіс тұғырының бірінші сатысынан көрінді.
Осылайша Айдос Сералиевтің шәкірттері қос турнирде де өздерінің мықтылықтарын дәлелдеп, сенімді ақтады.