Өскелең ұрпақты ел ісіне баулу – өте маңызды мәселе


Сайлаушылар өзінің мұң-мұқтажын білетін және мүддесін қорғай алатын азаматтарға дауыс берді. Бұл туралы Парламент палаталарының бірлескен отырысында Мемлекет басшысы Қасым-Жомарт Тоқаев айтты.

«Еліміздің жастары әрдайым менің айрықша назарымда екені баршаға мәлім. Мен билікке ойы озық, білімді жастар келуі керек деп үнемі айтамын. Өскелең ұрпақты ел ісіне баулу – өте маңызды мәселе», - деді Мемлекет басшысы.

Өскелең ұрпақ тәрбиесі  ұлт болашағы үшін аса қажетті жұмыс. Бекерден  ата-бабаларымыз «Ел болам десең, бесігіңді түзе» деп айтпаған. Сондықтан да өскелең ұрпақты жан-жақты, білімді, өзіндік көзқарасы қалыптасқан, сыни тұрғыдан ойлай алатын, өздігінен шешім қабылдай білетін, рухани құндылықтарды бойына сіңірген, өресі жоғары тұлға етіп тәрбиелеу – мемлекетіміздің басты міндеті, ата-ананың парызы, білім беру саласы қызметкерлерінің борышы. Бүгін қандай ұрпақ тәрбиелесек, ертеңіміз сондай деңгейде болары анық.

ХХІ ғасыр – білімділер ғасыры. «Білекті бірді жығар, білімді мыңды жығар» демекші, білімді ұрпақ болашақтың тұтқасына ие болары анық. Заңғар жазушы М.Әуезов: «Халық пен халықты, адам мен адамды теңестіретін нәрсе – білім», – деген еді. Еліміздің жарқын болашағының кепілі – білімді ұрпағымыз көп болсын.

Жанар ТЕМІРБЕКОВА,

Қ.А.Яссауи атындағы ХҚТУ ректоры.

Пікір қалдырыңыз