Қоқыс полигондарына айыппұл салынды
Түркістан облысында қатты тұрмыстық қалдықтарды тастауға арналған жалпы 127 полигон орналасқан
Түркістан облысында қатты тұрмыстық қалдықтарды тастауға
арналған жалпы 127 полигон орналасқан.
Олардың 70-і мемлекеттің меншігінде болса, қалған 57 полигон жекеменшік.
Мемлекет басшысының 2020 жылғы кәсіпкерлікті тексеруге
енгізген мораториге байланысты Түркістан облысының
санитариялық-эпидемиологиялық бақылау басқармалары құзыретті органдармен
мемлекет меншігіндегі полигондар жұмысына мониторинг жүргізді.
2022 жылғы тексеру нәтижесінде полигондардың басым
бөлігінде қоқыс тасымалы көліктерінің дөңгелектерін зарарсыздандырушы ваннасының болмауы, полигон айналасының қоршалмауы,
дезинфекциялық шаралардың жүргізілмеуі сынды ҚР ДСМ бекіткен санитариялық
талаптарға сәйкес келмейтін кемшіліктерді анықтады.
Сондай-ақ, Арыс қаласы мен Сарыағаш ауданында полионның
санитариялық-қорғаныш аймағында тұрғын үйлердің орналасуына жол берілген. Қатты
тұрмыстық қалдықтар полигондарының
санитариялық-қорғаныш аймағы 1000 метр болуы тиіс.
ҚР
Әкімшілік құқық бұзушылық туралы кодексінің 425-бабы 1-бөлігінде, халықтың
санитариялық-эпидемиологиялық саламаттылығы саласындағы заңнама талаптарын,
гигиеналық нормативтердi, техникалық регламенттерді адам денсаулығына зиян
келтіруге әкелетін бұзушылық үшін әкімшілік жауапкершілік көзделген.
Жоғарыда көрсетілген кемшіліктерге жол берген 11 заңды, 1
лауазымды тұлғаға жалпы соммасы 4
226 940 теңге айыппұл салынды. Қатты тұрмыстық қалдықтарды тастайтын орындарға бөлінетін жерді
жергілікті әкімшілік қарастырады, және
қоқысты тазарту, тасымалдау, көму жұмыстарын ұйымдастырумен «Тұрғын үй коммуналдық шаруашылық» ММ айналысады.