ҚАРА ЖОЛДАҒЫ ҚАСІРЕТ АЗАЙМАЙ ТҰР

Облыс тұрғындары, қонақтар мен туристерден жол қозғалысы ережелерін сақтауды сұраймыз.

2025 жылдың 6 айында Түркістан облысы бойынша 579 (2024 жылы 6 айы - 472) жол-көлік оқиғасы тіркелді, бұл өткен жылдың осы кезеңімен салыстырғанда 22,7%-ға өскен.

Жол-көлік оқиғасы нәтижесінде зардап шеккендер саны 29% - ға артса (673-тен 868-ге дейін), оның ішінде жарақат алғандар саны 25,8% - ға (581-ден 731-ге дейін), қаза тапқандар саны 48,9% - ға өсті (92-ден 137-ге дейін).    

Ең көп жол-көлік оқиғасы тіркелген аудандар, Жетісай - 89, Сайрам - 82, Түркістан қаласы - 71, Келес - 39, Түлкібас - 38, Арыс - 32, Төлеби - 31, Сауран - 27, Сарыағаш - 27, Шардара - 26, Ордабасы - 22, Созақ - 20, Кентау қаласы - 17, Отырар - 17, Бәйдібек - 16, Мақтаарал - 14, Қазығұрт – 11.

Жол-көлік оқиғаларының негізгі себептері әлі де жол қозғалысы ережелерінің сақталмауынан, соның ішінде белгіленген жылдамдықтың асыра орындалуы және жаяу жүргіншілердің жолды белгіленбеген жерден кесіп өтуінен болып отыр.

Сондықтан облыс тұрғындары, қонақтар мен туристерден жол қозғалысы ережелерін сақтауды сұраймыз. Сондай-ақ, еліміздің жолдарындағы жол-көлік оқиғалары туралы толық ақпаратты Қазақстан Республикасы Бас прокуратурасының Құқықтық статистика және арнайы есепке алу комитетінің «https//gis.kgp.kz» порталындағы «Авариялық карта» бөлімінен қарауға болатынын еске саламыз.

Қазақстан Республикасы

Бас прокуратурасының

Құқықтық статистика және

арнайы есепке алу жөніндегі

комитетінің Түркістан облысы

бойынша департаменті.

#Заң_мен_Тәртіп

#Закон_и_Порядок