ЕКІ АЙДЫҢ ҚОРЫТЫНДЫСЫ ҚАНДАЙ?

Жол-көлік оқиғаларының негізгі себептері әлі де жол қозғалысы ережелерінің сақталмауынан әрі белгіленген жылдамдықты асыра орындаудан туындап отыр.

2025 жылдың алғашқы 2 айында Түркістан облысы бойынша 190 жол-көлік оқиғасы тіркелді. Өткен жылдың осы кезеңімен cалыстырғанда жол үстіндегі оқиғалар 6,7 пайызға өскен.

Жол-көлік оқиғасының нәтижесінде зардап шеккендер саны 17,0 пайызға (247-ден 289-ге дейін) артса, оның ішінде  жарақат алғандар саны 13,3 пайызға (225-дан 255-ке дейін) көбейген. Есесіне, қаза тапқандар саны 54,5 пайызға азайған.    

Ең көп жол апаттары Сайрам ауданында тіркелді. Ауданда екі ай көлемінде 36 оқиға орын алса, Түркістан қаласында - 26, Жетісайда - 20, Келесте - 16, Сауранда - 15, Түлкібаста - 13, Бәйдібекте - 9, Ордабасыда - 9, Сарыағашта - 9, Отырарда - 6, Төлебиде - 6, Шардарада - 6, Кентау қаласында - 5, Арыста - 4, Мақтааралда - 4, Созақта - 4, Қазығұртта – 2 жол-көлік оқиғасы болған.

Жол-көлік оқиғаларының негізгі себептері әлі де жол қозғалысы ережелерінің сақталмауынан әрі белгіленген жылдамдықты асыра орындаудан туындап отыр. Жаяу жүргіншілердің жолды белгіленбеген жерден кесіп өтуінен де мұндай оқиғалар жиын орын алып жатады.

Сондықтан облыс тұрғындарынан, қонақтар және туристерден жол қозғалысы ережелерін қатаң сақтауды сұранамыз. Сондай-ақ, еліміздің жолдарындағы жол-көлік оқиғалары туралы толық ақпаратты Қазақстан Республикасы Бас прокуратурасының Құқықтық статистика және арнайы есепке алу комитетінің «https//gis.kgp.kz» порталындағы «Авариялық карта» бөлімінен қарауға болатынын еске саламыз.

Қазақстан Республикасы Бас прокуратурасының

 Құқықтық статистика және арнайы есепке алу

 жөніндегі комитетінің

Түркістан облысы бойынша департаменті.

#заңментәртіп