АӘК алушылар 2 есеге азайды

       Атаулы әлеуметтік көмек алушылар бұрын біздің облысымызда өте көп болатын. Ол түсінікті. Әрбір бесінші сәби туылатын өңірде демографиялық өсім жоғары ғой. Сондықтан республикадағы көпбалалы отбасылардың  төрттен бірі біздің облысымызға тиесілі. Еңбекке қабілетті жастардың үлесі де мол. Жүйелі атқарған жұмыстың арқасында соңғы екі жылда атаулы әлеуметтік көмек алушылар саны 2 есеге дейін азайыпты. Яғни, 2022 жылы атаулы әлеуметтік көмек алушылар саны 198 мың   адам   болса, бүгінде 94,7 мың адамды құрап отыр екен. Бұл қуанышты жағдай!

        Осы ретте биылбіздің өңірімізде «Өңірлік жұмыспен қамту картасы» аясында 118 мыңнан астам жұмыс орнын ашу жоспарланып, қазіргі таңда 104 635 жұмыс орны құрылған. Жуырда Ұлыбританияның Қазақстандағы елшісі Кэти Лич Түркістанға келіп, шетелге жұмыс күштерін даярлайтын арнайы орталықтың ашылуына қатысты. Бұл орталықта Ұлыбритания және Оңтүстік Кореяда жұмыс істегісі келетін азаматтарды оқытып, дайындайды екен. Бұл да жақсы мүмкіндіктің бірі.

                                                                           Серікқали МӘТҚАЛИҰЛЫ.