«АҚЫЛДЫ КӨРШІҢ – ТӨРІҢ...»

Халқымызда осындай астары терең мақал бар. Саясаты тұрақты, экономикасы қарқынды дамып келе жатқан құдайы көршіңмен тату болғанға, алыс-берісің көбейіп, барыс-келісің жиілегенге не жетсін! Бүгін Қытай Республикасының басшымен кездескен ел Президенті Қасым-Жомарт Тоқаев екі ел арасындағы қарым-қатынасты одан әрі нығайта түсуге мүдделі екенін білдірді.

-Қытай Қазақстанмен арадағы ынтымақтастығында қандай да бір саяси шарт қоймаған. Біздің егемендігіміз бен қауіпсіздігімізге көрсеткен қолдауыңызды бағалаймыз. Қытайдың бейбітшілік бастамаларын қолдаймыз. Еліңіздің әділ әлемдік тәртіп орнату орнату әрекеттерін қуаттаймыз, – деп Аспан асты елін тату көрші және уақыт тезінен өткен сенімді стратегиялық сенімді серіктес ретінде көретінін жеткізді.

Иә, бүгінде екі ел арасындағы сауда-саттық көлемі бұрынғыдан да арта бастады. Енді бұл бағыттағы байланыс одан әрі тереңдей түспек. Бүгінгі екі басшыларының кездесуінен осыны аңғардық.

Ернар САҒЫНДЫҚ,

Созақ аудандық мәслихатының депутаты.