Ұлыс оң, ақ мол болсын

Бұл мереке көктемнің келгенін, табиғаттың жаңаруын және адамзаттың жаңа өмірге қадам басқанын білдіреді.

Наурыз – қазақ халқының ең маңызды және көне мерекелерінің бірі. Ол күн мен түннің теңелген сәті, жаңа жылдың басталуы ретінде атап өтіледі. Бұл мереке көктемнің келгенін, табиғаттың жаңаруын және адамзаттың жаңа өмірге қадам басқанын білдіреді.

Наурыз мейрамы ежелден бері Шығыс елдерінде тойланып келеді, әсіресе түркі халықтары үшін ерекше маңызға ие. Қазақ халқы Наурызды бауырмалдық пен татулықтың, қайырымдылық пен ізгіліктің белгісі ретінде тойлайды. Мереке барысында адамдар бір-біріне игі тілектер айтып, ұлттық тағамдар әзірлеп, жиналып, достық қарым-қатынасын нығайтады.

Наурыздың басты символы – ұлттық тағам "наурыз көже", ол 7 түрлі тағамнан дайындалады, әрқайсысы өз мағынасына ие. Бұл күні жаңа өмір мен болашаққа деген үмітпен бастама жасалады, өткенді еске алып, болашаққа деген жоспарлар құрылады.

Ұлыстың Ұлы күні халқымыздың мәдениеті мен дәстүрлерінің ажырамас бөлігі болып табылады.

Наурыздың әрбір күні сәтті өтіп, өмірлеріңіз гүлдене берсін!
Мереке құтты болсын!

Алимбетова Ақжан Нұрланқызы,

Түркістан облыстық “Фараб” әмбебап ғылыми кітапханасының сектор меңгерушісі