Ветеринарларға құрмет көрсетілді
Биыл Қазақстанда алғаш рет ветеринария қызметкерлері күні аталып өтті. Түркістан облысында да осы сала өкілдеріне құрмет көрсетіліп, мерекелік іс-шара ұйымдастырылды. Салтанатты жиынға облыс әкімінің орынбасары Бейсенбай Тәжібаев арнайы қатысып, ветеринария саласында еңбек етіп жүрген азаматтарды кәсіби мерекелерімен құттықтады.
– Түркістан облысы тұрғындарының басым бөлігі ауылды жерлерде тұрады. Аймақта ауыл шаруашылығы, оның ішінде мал шаруашылығы саласы жақсы дамыған. Өңіріміз ет экспорты бойынша республикада бірінші орында тұр. Ал, облыста эпизоотиялық ахуалдың тұрақтылығын сақтап, аймақтың экспорттық әлеуетін көтеруде ветеринария саласы еңбеккерлерінің үлесі мол. Бұл ретте облыс әкімі Дархан Сатыбалдының бастамасымен ветеринария саласына қолдау көрсетіліп келеді. Бұл жұмыстар одан әрі жалғасады. Баршаңызды кәсіби мерекелеріңізбен құттықтай отырып, отбасыларыңызға амандық, жұмыстарыңызға табыс тілеймін, – деген Бейсенбай Тәжібаев бір топ еңбек адамына құрмет көрсетті.
«Түркістан облысының үздік мал дәрігері» номинациясымен Арыс қаласы, Қожатоғай ауылдық округінің ветеринариялық бекет меңгерушісі Бақыт Малдыбеков, Отырар ауданы, Қарғалы ауылдық округінің ветеринариялық бекет меңгерушісі Бекжан Сейдуллаев және Сайрам ауданы, Қарамұрт ауылдық округінің ветеринариялық бекет меңгерушісі Зухриддин Махбубеков марапатталды. Сонымен бірге бір топ азаматқа ҚР Ауыл шаруашылығы министрі Айдарбек Сапаровтың
арнайы Алғыс хаты тапсырылды.
ҚР АШМ «Ауыл шаруашылығы ардагерлер кеңесі» қоғамдық бірлестігі ауыл шаруашылығы саласының және ветеринария саласының құрметті ардагері төсбелгісімен Қанатбек Оспанбеков марапатталады.
Іс-шарада облыстық ветеринария басқармасының басшысы Ғани Құрманбай, ҚР АШМ ветеринариялық бақылау және қадағалау комитетінің Түркістан облыстық аумақтық инспекция басшысы Ағабек Абдиев және Түркістан облысының ауыл, орман шаруашылығы, табиғат және жануарлар әлемін қорғау қызметкерлерінің жергілікті кәсіподағының төрағасы Сапарғали Шоланбай құттықтау сөз сөйлеп, мал дәрігерлеріне марапаттарын ұсынды.
Мерекелік жиын облыс өнерпаздарының концерттік бағдарламасына ұласты.
Айта кетейік, Түркістан облысында ветеринария саласында 2 мың азамат жұмыс істейді. Өңірде былтыр арнайы ветеринария басқармасы құрылды. Сала мамандарының жалақысы көтерілді, техникалық базалары жаңартылуда.
Қазіргі таңда облыс аумағында эпизоотиялық, энзоотиялық жағдай тұрақты және күнделікті бақылауда.
– Түркістан облысы тұрғындарының басым бөлігі ауылды жерлерде тұрады. Аймақта ауыл шаруашылығы, оның ішінде мал шаруашылығы саласы жақсы дамыған. Өңіріміз ет экспорты бойынша республикада бірінші орында тұр. Ал, облыста эпизоотиялық ахуалдың тұрақтылығын сақтап, аймақтың экспорттық әлеуетін көтеруде ветеринария саласы еңбеккерлерінің үлесі мол. Бұл ретте облыс әкімі Дархан Сатыбалдының бастамасымен ветеринария саласына қолдау көрсетіліп келеді. Бұл жұмыстар одан әрі жалғасады. Баршаңызды кәсіби мерекелеріңізбен құттықтай отырып, отбасыларыңызға амандық, жұмыстарыңызға табыс тілеймін, – деген Бейсенбай Тәжібаев бір топ еңбек адамына құрмет көрсетті.
«Түркістан облысының үздік мал дәрігері» номинациясымен Арыс қаласы, Қожатоғай ауылдық округінің ветеринариялық бекет меңгерушісі Бақыт Малдыбеков, Отырар ауданы, Қарғалы ауылдық округінің ветеринариялық бекет меңгерушісі Бекжан Сейдуллаев және Сайрам ауданы, Қарамұрт ауылдық округінің ветеринариялық бекет меңгерушісі Зухриддин Махбубеков марапатталды. Сонымен бірге бір топ азаматқа ҚР Ауыл шаруашылығы министрі Айдарбек Сапаровтың
арнайы Алғыс хаты тапсырылды.
ҚР АШМ «Ауыл шаруашылығы ардагерлер кеңесі» қоғамдық бірлестігі ауыл шаруашылығы саласының және ветеринария саласының құрметті ардагері төсбелгісімен Қанатбек Оспанбеков марапатталады.
Іс-шарада облыстық ветеринария басқармасының басшысы Ғани Құрманбай, ҚР АШМ ветеринариялық бақылау және қадағалау комитетінің Түркістан облыстық аумақтық инспекция басшысы Ағабек Абдиев және Түркістан облысының ауыл, орман шаруашылығы, табиғат және жануарлар әлемін қорғау қызметкерлерінің жергілікті кәсіподағының төрағасы Сапарғали Шоланбай құттықтау сөз сөйлеп, мал дәрігерлеріне марапаттарын ұсынды.
Мерекелік жиын облыс өнерпаздарының концерттік бағдарламасына ұласты.
Айта кетейік, Түркістан облысында ветеринария саласында 2 мың азамат жұмыс істейді. Өңірде былтыр арнайы ветеринария басқармасы құрылды. Сала мамандарының жалақысы көтерілді, техникалық базалары жаңартылуда.
Қазіргі таңда облыс аумағында эпизоотиялық, энзоотиялық жағдай тұрақты және күнделікті бақылауда.