САЛАУАТТЫ ӨМІР САЛТЫ НАСИХАТТАЛДЫ

Түркістан қаласында танымал өнер және медиа өкілдерінің қатысуымен өткен футболдан «Show match» жолдастық кездесу – қоғам үшін маңызды идеяларды қолдауға бағытталған жарқын бастамалардың бірі болды. Мақсаты –  лудомания мен есірткіге қарсы күрес идеясын қолдау, сондай-ақ жастар арасында салауатты өмір салтын насихаттау. Бұл іс-шара лудомания мен есірткіге қарсы күресті қолдауға, сондай-ақ жастарды спорт пен салауатты өмір салтына баулуға ерекше серпін берді. Түркістан облыстық мәслихат депутаты, «Азаматтарға арналған үкімет» мемлекеттік корпорациясы» КЕ АҚ Түркістан облысы бойынша филиал директоры Бахыт Басымбек Ойынның «Лудомания және есірткіге қарсымыз!» деген ұранмен өтуі – оның әлеуметтік мәнін айқындай түсетінін айтты.

- Біз «Азаматтарға арналған үкімет» мемлекеттік корпорациясы» КЕ АҚ Түркістан облысы бойынша филиалы атынан осы игі бастаманы қолдауға мүмкіндік болғанына қуаныштымыз. Әлеуметтік жауапкершілік – біздің басты ұстанымдарымыздың бірі. Мұндай шаралар жастардың ой-санасын серпілтіп, дұрыс таңдау жасауға ықпал етеді деп сенемін,-деді Бахыт Мүсірәліұлы!

 «Лудомания және есірткіге қарсымыз!» ұранымын өткен  «Шоу матчты» тамашалауға келген көрермен қауамның қарасы қалың болды.  Тартысты  ойын  5:5 есебімен аяқталды. Жеңімпаз пенальти сериясында анықталып, «Turkistan» командасы 5:4 есебімен жеңіске жетті.