Сіздерді көкпар додасы күтіп тұр

1-4 мамыр күндері Шымкент қаласындағы атшабарда ерекше дүбірлі дода өтеді. Көкпардан Кеңес Одағының 9 дүркін чемпионы, аты аңызға айналған Әбілхан Дауылбаевтың 75 жылдық мерейтойына арналған республикалық турнир ұйымдастырылмақ. 

Көкпар – бұл жай ғана ойын емес, бұл – ерлік пен ептіліктің, намыс пен жігердің, баба рухы мен бүгінгі болмыстың тоғысқан тұсы. Бұл – тұлпардың тұяғы, жігіттің білегі сыналатын, жүрек пен намыс тартысқа түсер ұлы дода.

Ардақты ағайын!  Жігіттің жігерін, аттың шабысын, елдің рухын көргіңіз келсе – Шымкент қаласындағы атшабарда жүздесейік. Ұлы дала ұлдарының дүбірлі сайысынан қапы қалмаңыз!

«Оңтүстік»-ақпарат.