Түркістан қаласына халықаралық қолөнершілер қаласы деген статус берілді
Түркістан қаласына «Халықаралық қолөнершілер қаласы» мәртебесінің берілуі оның бай қолөнер дәстүрлерінің халықаралық деңгейде танылғанын білдіреді. Бұл мәртебе қаланың мәдени мұрасын сақтауға және дамытуға, сондай-ақ жергілікті қолөнершілердің еңбектерін әлемдік аренада танытуға мүмкіндік бермек.
Мәртебені беру процесі барысында «World Craft Council» халықаралық ұйымының сарапшылары Түркістанға келіп, қаланың қолөнер саласының дамуымен танысты. Олар жергілікті шеберлердің жұмыстарын жоғары бағалап, қаланың тарихи-мәдени орындарын аралады. Бұл мәртебе Түркістанның қолөнер саласындағы әлеуетін арттырып, туризмнің дамуына жаңа серпін береді. Сарапшылардың пікірінше, Түркістан шеберлері жасаған керамикалық бұйымдар әсемдігімен, нақышты өрнектерімен және сапасымен ерекшеленеді.
