«Ауыл – ел бесігі» жобасы 100-ден астам елді мекенді қамтиды

Түркістан облысы бойынша «Ауыл – ел бесігі» жобасы аясында биыл 249 жоба іске асырылып, 400 мыңнан астам түрғын тұратын 105 елді мекендегі әлеуметтік-инфрақұрылымдық нысандардың жағдайы жақсаратын болады. Бұл мақсатта қазынадан 16,7 млрд. теңгеге жуық қаражат қарастырылған. Жобаның жүзеге асу барысы Түркістан облысының әкімі Өмірзақ Шөкеевтің төрағалығымен өткен апталық аппарат отырысында баяндалды.
«Ауыл – ел бесігі» жобасы аясында биыл өңірде 11 фельдшерлік-акушерлік бекет және 1 дәрігерлік амбулатория, 11 мектепке қосымша ғимарат салынбақ. 7 спорт нысаны бой көтеріп, бір спорт нысаны, 23 мектеп күрделі жөндеуден өтеді. 13 мәдениет нысаны салынады. 9 табиғи газ және 8 электр қуатымен жабдықтау нысандарының құрылысы жүргізіледі. 168 ішкі көшелер орташа жөндеуден өтеді. 200-ден астам жаңа нысан жыл соңына дейін пайдалануға беріледі. Жобаның іске асырылуы тұрақты бақылауда.
Облыс әкімі жоспарланған барлық жобалардың уақытында іске асырылуын қамтамасыз етуді тапсырды. Жұмыс барысын күшейтіп, тұрақты мониторинг жүргізуді жүктеді.
«Ауыл – ел бесігі» жобасының негізгі мақсаты – ауыл тұрғындарының өмір сүру сапасы мен әл-ауқатын жақсарту.
Жиында бюджетке түсімдер түсіру және бюджетті игеру барысы да талқыланды. Түркістан облысы жылдық бюджетті игеру бойынша республикада алдыңғы орында келеді. Өңір басшысы қаржыны тиімді игеріп, ел үшін маңызды жобалар мен құрылыс жұмыстарын жалғастыруды тапсырды.

Пікір қалдырыңыз