Отырарда өндіріс орындары көбейіп келеді
Мемлекет басшысының тапсырмасына сәйкес, өңірімізде экономикалық әлеуетті күшейту, инвестиция тарту және жаңа өндіріс орындарын ашу бойынша жүйелі жұмыстар атқарылып келеді. Облыс әкімі Нұралхан Көшеровтің бастамасымен аудан, қалаларда өндірістік инфрақұрылымды дамытуға ерекше көңіл бөлініп, шағын өндірістік парктер құру арқылы кәсіпкерлікті қолдаудың жаңа кезеңі басталды.
Осы бағытта Отырар ауданында кәсіпкерлерге қолайлы жағдай жасау және жаңа өндіріс орындарын ашу арқылы аудан экономикасының тұрақты дамуына серпін беретін тың жобалар кезең-кезеңімен іске асырылуда.
Бүгінде ауданда жалпы құны 305 млн. теңгені құрайтын 5 жоба жүзеге асырылып, нәтижесінде 21 жаңа жұмыс орны ашылды. Атап айтқанда, темір бұйымдарын, брусчатка шығару, құрама жем өндіру және ауыл шаруашылығы өнімдерін сублимациялық әдіспен кептіруге арналған заманауи кәсіпорындар іске қосылды.
Жаңа өндіріс орындарының ашылуы – аудан экономикасының дамуына, халықтың әл-ауқатын жақсартуға және тұрғындарды тұрақты жұмыспен қамтуға бағытталған маңызды қадам.
Айта кетейік, өңірдегі 29 шағын өндірістік паркте 275 өндіріс орнының құрылысы басталып, бүгінде оның 164-і пайдалануға берілді.
Облыс әкімінің баспасөз қызметі.