Түлектердің қамқорлығы
Бүгінде Келес ауданының орталығы Абай ауылында орналасқан Ө.Жәнібеков атындағы мектеп-гимназиясының ауласына түлектер демеушілігімен абаттандыру жұмыстары жүргізілуде. Бұл түлектердің өз мектептеріне жасаған қамқорлығы.
– Келес ауданындағы Ө.Жәнібеков атындағы мектеп-гимназияда елімізге қызмет етіп жүрген белгілі азаматтар білім алған. Қазіргі таңдағы ең өзекті проблемалардың бірі – балалардың сапалы білім алуы үшін қолайлы жағдай жасау. Сондықтан оқу ордасында жасалып жатқан қолдауға мектеп әкімшілігі, ұстаздар мен ата-аналар өз ризашылықтарын білдіруде. Демеушілерге өз атымнан да жеке алғыс айтқым келеді. Ауданымыздың басқа түлектері де білім ордаларына осындай қолдау көрсетсе, – дейді аудандық адами әлеуетті дамыту бөлімінің басшысы Бақтияр Абдиев.
Айта кететін жәйт, биыл Келес ауданындағы 3 мектепке күрделі жөндеу жұмыстары жүргізілуде. Оған қосымша жаңадан тағы 3 мектеп бой көтеруде.
Г.АЙХОДЖАЕВА.