Халық қалаулысы қайырымдылық жасап жүр

Шымкент қалалық мәслихатының депутаты, фракция мүшесі Жолдыхожаев Мұрат Жаңабайұлы қайырымды істің алдыңғы шебінде бой көрсетіп жүрген азамат. Атап айтар болсақ, 2021 жылдың сегіз айдағы қорытындысы бойынша "Nur Otan" партиясының "Бақытты отбасы", "Кедергісіз келешек", '"Ардагерлерді ардақтайық", "30 Қайырымды іс" марафоны мен жобалары аясында бірқатар жұмыстар атқарылғаны өздеріңізге мәлім. Сол акциялар аясында депутат әлеуметтік жағдайы осал топтағы мұқтаж 700-ге жуық отбасыға азық-түлік себептерімен қамтасыз етіп, аса күтімді қажет ететін балаларға  қоларбамен демеушілік танытты. Сонымен қатар, Абай ауданындағы 3-балалар үйіне бір реттік киім кешек азық-түлікпен қамтамасыз етілді.

Сондай-ақ, Абай ауданындағы 55-бала-бақша мен 133-жалпы орта мектепті автотұрақ, 81-мектепті ауыз сумен қамтамассыз етіп берді. Мұрат Жаңабайұлының спорт саласын жаңғырту бойынша да өзіндік із қалдыруда. Соның бірі ретінде қаламыздағы 400-ге жуық жас спортшыларды спорттық керек-жарақтармен қамтығанын айта аламыз.

 «Nur Otan» партиясының «Өзгерістер жолы: Әр азаматқа лайықты өмір!» атты Шымкент қаласы бойынша 2021-2025 жылдарға арналған сайлауалды бағдарламасын іске асыру мақсатында дайындалған "Жол картасындағы" индекаторлардың орындалуы бойынша өз тарапынан жүйелі жұмыстардың ұйытқысы болып отыр. Бұл азаматтың елге жасаған қайырымдылық істері алдағы уақытта үлкен биіктермен ұлғая беретіне кәміл сенімдіміз.
Пікір қалдырыңыз