Әскерилер қорытынды тексеруді тапсыруға кірісті

Барлық әскери қызметшілер тексеруге жауапкершілікпен қарайды және үздік нәтижелерді көрсетуге тырысады.

"Оңтүстік" өңірлік қолбасшылығының 35748 әскери бөлімінің әскери қызметшілері 2020 жылға қорытынды тексеруді тапсыруға кірісті. Оған лауазымы мен әскери атағына қарамастан бөлімнің барлық әскери қызметшілері қатысады. Қазақстан Республикасы Қарулы Күштері Бас штабының комиссиясы сынақтар қабылдайды.

Бірнеше күн ішінде әскери қызметшілер саптық, мемлекеттік-құқықтық, кәсіби, арнайы, атыс және дене даярлықтары бойынша сынақтар тапсыратын болады. Сонымен қатар, олар жалпыәскери жарғылар мен РХБ қорғау туралы өз білімдерін көрсетеді. Әрбір әскери қызметші теорияда ғана емес, практикада да бағаланатын болады.

Бірінші күн саптық байқаудан басталды, оның барысында Бас штаб комиссиясы жеке құрамның сыртқы келбетін, құжаттары мен далалық сүмкелерінің жабдықтарын тексерді. Саптық байқаудан кейін әскери қызметшілер саптық даярлық бойынша сынақтарды тапсыруға кірісті, қозғалыста, қарумен және орында саптық тәсілдерді орындады.

Бұдан әрі атыс даярлығын тапсыру жүргізіледі, онда автоматты бөлшектеу және құрастыру, дүкенді патрондармен жабдықтау, сондай-ақ ұрысқа дұрыс дайындау дағдылары көрсетіледі. Сондай-ақ, әскери қызметшілер АК-74-тен оқу атыстарының жаттығуын орындайды. Барлық нормативтер уақытқа  орындалады, олардың дұрыстығын комиссия мүшелері  қадағалайды.

Барлық әскери қызметшілер тексеруге жауапкершілікпен қарайды және үздік нәтижелерді көрсетуге тырысады.

Қорытынды тексеру  қорытындылаумен аяқталады. Әрбір бөлімше өзінің жеке құрамын даярлау деңгейіне сәйкес тиісті баға алады.