ЕН ДАЛА ЕНШІМІЗДЕ ҚАЛУЫ КЕРЕК

Президент Қасым-Жомарт Тоқаев  Үкіметтің кеңейтілген отырысында осы уақытқа дейін 12,8 млн гектар игерілмеген жердің 7 млн гектары мемлекетке қайтарылғанын айтты. «Жер шетелдіктерге сатылмайды - бұл мәселеге енді оралмаймыз" деп кесіп айтқан мемлекет басшысының сөзі  мынадай қиын кезде көңілімізге қуаныш ұялатқаны рас. Қанша жыл осы мәселені сөз етіп, әсіресе ақын-жазушылар айтудай-ақ айтып, жазудай-ақ жазып келді. Енді біз де Жер кодексінің жекелеген нормаларына жарияланған мораторийдің биыл аяқталатынынына сенеміз. 

Құдай қазақтың пейіліне сай кең-байтақ жер берген деуші едік. Президент айтқандай, ұшса құстың қанаты, шапса тұлпардың тұяғы талатын ен дала енді өз еншімізде қалуы керек.

Әлібек ШЕГЕБАЙ,

Қазақстан Жазушылар Одағы Түркістан облысы филиалының төрағасы.