"Оңтүстік Қазақстан" газетінің ресми сайты

USD: 341.61 +0.66   EUR: 410.27 +1.54   RUB: 5.9 +0.03   


ӘДЕБИЕТ ӘЛЕМДI ҚҰТҚАРАДЫ

Бейсенбі, 14 Қыркүйек 2017 10:29
ӘДЕБИЕТ ӘЛЕМДI ҚҰТҚАРАДЫ

 

Оңтүстiк Қазақстан облысының әкiмi Жансейiт Түймебаев түркi әлемi әдеби журналдарының редакторларымен кездестi. Басқосуға «ТҮРКСОЙ» халықаралық ұйымы бас хатшысының орынбасары Фырат Пурташ, «ТҮРКСОЙ» ұйымының арнайы өкiлi Асқар Тұрғанбаев, Еуразия Жазушылар одағының төрағасы Якуб Омероғлы, Қазақстан Жазушылар одағының хатшысы, «Жұлдыз» журналының бас редакторы Ұлықбек Есдәулет, сондай-ақ 19 елден отызға тарта әдебиет және мәдениет қайраткерлерi қатысты.

 

Жансейiт Қансейiтұлы жиналғандарды осыдан бiр күн бұрын «Түркiстан – түркi әлемiнiң мәдени астанасы» жобасы аясында киелi шаһарда ұйымдастырылған түркi әлемi әдеби журналдары редакторларының ҮIII конгресiнiң табысты өтуiмен құттықтады.

– Елбасы Нұрсұлтан Әбiшұлы «ТҮРКСОЙ» түркi әлемiнiң ЮНЕСКО-сына айналуы тиiс деген едi. Сондықтан да бiз «ТҮРКСОЙ» ұйымына мүше елдер арасында ынтымақ-бiрлiгiмiздi арттырып қана қоймай, мәдени және экономикалық, туристiк тұрғыда соны серпiн алуға тиiспiз. Түркiстан төрiнде өткен алқалы жиында салиқалы сөздер, ұтымды ұсыныстар айтылып, орнықты ойлар ортаға салынды деп ойлаймын, – дедi Жансейiт Қансейiтұлы.

Якуб Омероғлы Түркияда шығатын түркi әлемi әдебиетiне арналған «Бауырлас қаламдар» (Kardes Kalemler) журналының он жылдан берi бауырлас ақын-жазушылардың шығармаларын насихаттаумен айналысатыны жайлы әңгiмеледi. Фырат Пурташ «ҚР Президентi Н.Назарбаевтың «Болашаққа бағдар: рухани жаңғыру» бағдарламалық мақаласын барлық түркiтiлдес елдер ұстаным ретiнде қабылдаса болады» дей келе, бұрын-соңды руханиятқа қатысты мұндай ауқымды жоба қабылданбағанын айтты. Сондай-ақ, Түркiстандағы конгресте түркi әлемi әдеби журналдарының редакторлары «әдебиет әлемдi құтқарады» деген тоқтамға келгенiн жеткiздi.

Кездесуде сөз алған қонақтар алқалы жиында айтылған ұсыныстар мен қозғалған пiкiрлер түркiтiлдес халықтардың ортақ тарихын интеграциялауға зор ықпалын тигiзетiнiне сенiмдi екендiктерiн мәлiмдедi. Татарстанның «Қазан утлары» журналының редакторы Илфак Ибрагимов пен «Башқұртстан қызы» журналының редакторы Гүлназ Кутуева өлең-жырларын оқыды.

Үмiтхан АЛТАЕВА.

comments powered by HyperComments

Газеттің жаңа номері

"Оңтүстік Қазақстан" газетінің PDF нұсқасы

Көшіру

Архив

« Қыркүйек 2017 »
Дс Сс Ср Бс Жм Сб. Жк
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30  
JoomShaper