Руханият 0 пікір 3545 лайк

«Жұбанышы жанымның – күнім өлең»

Сәуір 16 / 2019

Лаура ТАСТАНБЕК, «Ońtústik Qazaqstan».

Ақын, Физули атындағы халықаралық сыйлықтың иегері Әбілда Аймақ тірі болғанда биыл алпыс бес жасқа толар еді. Таяуда Шымкент қаласындағы Абай атындағы кітапханада «Жұбанышы жанымның — күнім өлең» деген атпен ақынды еске алу кеші өтті. Іс-шараны Қазақстан Жазушылар одағы Шымкент қалалық филиалының төрағасы, жазушы Шойбек Орынбай естелік сөзбен ашты. Кітапханашы Гүлсінай Бақхожаева ақын өмірі туралы баяндама жасады.

Кеште сондай-ақ, фантаст-жазушы Сарманбай Исақ, әнші-композитор Бағдат Алтаев, ақынның зайыбы Ақмарал естеліктерімен бөлісті. Ал, ақын өлеңдерін орыс тіліне тәржімалаған аудармашы Әсет Омаров Әбілда Аймақ шығармаларының ерекшелігіне кеңінен тоқталды. «Жас қаламгер» ақындар клубының оқушылары ақын өлеңдерін жатқа оқыды. Қатысушылар «Одақ филиалының отын бірнеше жыл бойы сөндірмей келген ақын – өлке әдебиетінің шырақшысы еді» деп еске алысты.

Бұл материалмен бөлісіңіз

Бұл материалда пікір жоқ