Әлеумет 0 пікір 0 лайк

Бала құқығы – басты назарда

Қазан 20 / 2018

 

2018 жылдың 16 қазанында Түркістан қаласында Қазақстан Респуб-ликасы Парламенті Сенатының депутаты, Қазақстан Республикасындағы Бала құқықтарын қорғау жөніндегі уәкіл Сәуле Айтпаеваның төрағалығымен селекторлық мәжіліс өтті. Жиынға облыс әкімінің орынбасары Ұласбек Сәдібеков, облыстық басқарма басшылары мен қызметкерлері, облыстық прокуратура басшылығы, облыстық полиция департаментінің орынбасары, жергілікті полиция қызметінің ювеналды полиция бөлімі, сондай-ақ, аудан, қала әкімдерінің орынбасарлары селекторлық режимде қатысты.

 

Мәжілісте жалпы кәмелеттік жасқа толмағандардың өзекті мәселелері мен олардың шешу жолдары қарастырылып, талқыланды. Жиынды облыс әкімінің орынбасары Ұ.Сәдібеков ашып, жүргізіп отырды. Ол өз сөзінде Сәуле Мұханбедианқызының арнайы Сарыағаш ауданына барып, аудан әкімінен бастап бірқатар мемлекеттік органдардың басшыларымен жиналыс өткізгенін тілге тиек етіп, облыстағы бала құқығын қорғау бағытындағы жұмыстарға тоқталды.

Қазіргі таңда қоғам алдында тұрған басты міндеттердің бірі – балалар мен жасөспірімдер арасындағы құқықбұзушылықтың алдын алу, кәмелетке толмағандар арасындағы қылмыстың өсуіне жол бермеу. Күн тәртібіндегі мәселе бойынша облыстық отбасы, балалар және жастар істері жөніндегі басқармасының басшысы Б.Нарбекова, облыстық полиция департаменті жергілікті полиция қызметінің бастығы Ә.Сейдуалиев, облыстық білім басқармасының басшысы И.Сағындықов баяндама жасады.

Мәжіліс соңында Сәуле Айтпаева бала құқығын қорғау мәселесі әрдайым назарда болу керектігін айтып, бала құқығын қорғауға тікелей қатысты мекеме басшыларына өз міндеттеріне жауапкершілікпен қарауды тапсырды.

Түркістан облысы әкімінің баспасөз қызметі.

Бұл материалмен бөлісіңіз

Бұл материалда пікір жоқ