Аспан асты, жер үсті 0 пікір 0 лайк

Байқау қатысушылары Түркістан және Қожа Ахмет Ясауи мұраларымен танысты

Қыркүйек 20 / 2018

Елордамыз Астана қаласының 20 жылдығы жəне «Əзірет Сұлтан» мемлекеттік тарихи-мəдени қорық-музейінің 40 жылдық мерейтойына орай мектеп оқушылары арасында ұйымдастырылған XXII «Ясауитану-2018» Халықаралық байқауына қатысушылар Қожа Ахмет Ясауи кесенесіне зиярат етіп, музей жәдігерлерімен танысты. Экскурция барысында Қожа Ахмет Ясауи кесенесі ішіндегі сарайлар мен тарихи тұлғалар және олардың жәдігерлері, Есім хан және Рәбия Сұлтан Бегім кесенесі, Қылует жерасты мешіті, Жұма мешіті және Шығыс моншасы, Түркістан тарихы музейі таныстырылып, мағлұматтар берілді. Сонымен қатар, музей кітапханасында ұйымдастырылған «Қожа Ахмет Ясауи және оның мұралары» көрмесін тамашалап, рухани ілім иесінің кітап түріндегі жәдігерлері және жазбаларымен танысты. «Ясауитану-2018» Халықаралық білім және өнер сайысының мақсаты- Қожа Ахмет Ясауидің рухани мұрасы мен ілімін, «Әзірет Сұлтан» кесенесіне жерленген дара тұлғалардың елі үшін атқарған еңбектерін, сондай-ақ, Түркістан қаласының тарихын, Әмір Темір дәуірінен қалған құнды ортағасырлық жәдігерлерді және музей ісін насихаттау. «Ясауитану» байқауы екі кезеңнен тұрады. Бірінші кезеңде оқушылар еш мүдірмей, қатесіз Қожа Ахмет Ясауи хикметтерін жатқа айту жағынан сайысқа түседі. Екінші кезеңде сұрақ-жауап түрінде Қожа Ахмет Ясауидің өмірі мен шығармаларына, хикметтердегі ұғымдарға, Қожа Ахмет Ясауи кесенесі мен ондағы жәдігерлерге қатысты алдын-ала дайындалған сұрақтарға жауап береді. Жеңімпаздар диплом және сыйлықтармен, ал оларға жетекшілік жасаған ұстаздар арнайы сертификатпен марапатталады. Жиырма екі жылдық тарихы бар «Ясауитану» байқауы 1996 жылдан бастау алады.Аталған жылы қала мектептері арасында ұйымдастырылған сайыс 2006 жылы ауданаралық, 2007-2008 жылдары облыстық, 2009-2015 жылдары республикалық, 2016 жылдан бастап халықаралық деңгейде өтуде. Биылғы сайысқа еліміздің Астана, Алматы, Шымкент қалалары мен Ақмола облысы, Алматы облысы, Ақтөбе облысы, Қарағанды облысы, Қостанай облысы, Қызылорда облысы, Шығыс Қазақстан облысы, Түркістан облысы және Түркістан қаласы және Өзбекстан, Түркия, Қырғызстан Республикаларынан 41 оқушы қатысуға ниет білдірді. «Әзірет Сұлтан» мемлекеттік тарихи-мәдени қорық-музейінің баспасөз қызметі

 

 

 

 

 

Бұл материалмен бөлісіңіз

Бұл материалда пікір жоқ